O narode, narode

Share on facebook
Share on twitter
Share on whatsapp
Share on email
Ilustracija: Renato Garza Cervera
Ilustracija: Renato Garza Cervera
„Kako osloboditi građane straha kako bi mogli racionalno i normalno razmišljati u pravcu – šta ćemo sutra?”
Share on facebook
Share on twitter
Share on whatsapp
Share on email
Novo!
Sačuvajte članke sa nalogom

Nakon što se prijavite preko Cafe Sandžak, možete sačuvati priče i lako ih pregledavati kasnije na bilo kojem uređaju.

Iako me niko ništa ne pita, iako moje pisanje nema nikakvu težinu – moram! Nisam ja nikakav analitičar, niti naučni radnik i zato pišem ono što vidim, a vidim, moralni sunovrat društva i zajednice. Ništavilo bez dna. Gledam i pitam se da li nam se sve ovo servira ili je u pitanju ružan i mučan san. Definitivno, u svemu ovome ima dosta udjela i međunarodne zajednice, a takva aktivnost se nikada ne dovede do kraja i uvijek ostavi prostora i neriješenih pitanja da se nestabilnost i sukobi mogu iznova pokrenuti.

Nije moguće da oni koji nam sve ovo serviraju ne vide da politička i vjerska „elita“ vješto koristi ovakvu situaciju da na kriminalan i nezakonit način stiču desetine i stotine miliona eura, dok mi živimo u bijedi i siromaštvu. Ne mogu da vjerujem da tzv narodni poslanici koji sjede u Skupštini Crne Gore nemaju toliko morala, (čast izuzetcima) da pokrenu pitanje porijekla imovine i lustraciju kako bi povratili dostojanstvo i čast građana. Upravo u šutnji narodnih poslanika vidim spregu između poslanika i onih koji nam sve ovo serviraju. Dakle, uz blagoslov velikog brata beskrupulozni politikanti na takav način siju i šire strah od navodnog urušavanja države, crkve, institucija… među građane.

Po meni, u ovim teškim danima analitičari, sociolozi, političari, psiholozi… moraju naći načina kako da pomognu građanima Crne Gore. Suštinsko i ključno pitanje na koje intelektualna elita mora pronaći i ponuditi odgovor je:
„Kako osloboditi građane straha kako bi mogli racionalno i normalno razmišljati u pravcu – šta ćemo sutra, šta čeka našu djecu, u kakvoj državi treba da ostarimo i ko će voditi računa o nama ako nam djeca odu trbuhom za kruhom?“

Definitivno, i budali je jasno da, ovi što nas godinama pljačkaju neće sami otići. Oni nemaju milosti i mi ih apsolutno ne interesujemo između dva izborna ciklusa. Zato nas oni i umiruju  strahom i podjelama. Za to vrijeme oni se enormno bogate, a mi se nadamo da će sve ovo jednoga dana prestati i da će nam biti bolje. Istina, nada umire poslednja, ali iskustvo govori da to bude u većini slučajeva prekasno za nadatelja.

Narode, još ima vremena. Ne dozvolimo da i mi umremo onoga časa kada nam i nada umre. Krajnje je vrijeme da ustanemo i tražimo odgovornost za ono što su nam obećali. Kaznimo ih na izborima. Ne budimo ponizne kukavice, sluge i oruđe u rukama onih koji su nas nacionalno i vjerski zavadili i do gole kože opljačkali. Po čemu su to tamo-njihova djeca sposobnija od naše? Vidite li oči vam neispale da aktuelni „zaštitnici naroda, crkve i države“ su obični politikanti i manipulatori. Umjesto da upravljaju državom oni vladaju. Nemaju oni veze sa politikom!

SANDžaklija preporučuje

Šta naši urednici čitaju, gledaju i slušaju svake hefte. Prijavite se za Heftični Bilten i nikad više ne propustite velike priče.

Čitajte više

Slušajte audio izdanja magazina Sandžaklija

Budimo prijatelji

HEFTIČNI BILTEN

Prijavom na Heftični Bilten slažete se sa Uslovima korišćenja i politikom privatnosti.